تغيير زيت القير المرة الرابعه

43 7

لايمكنك التصويت حتى الحصول على 20 نقطة على الأقل
إضغط هنا للإخفاء

الرفاعي33 13917
قبل 7 سنه و 2 شهر

السلام عليكم ورحمة الله وبركاته
مساء الخير اخواني اعضاء منتدى حراج
كيف حالكم باذن الله انكم في احسن حال .
مانطول عليكم موضوعي اليوم تغيير زيت القير للمرة الرابعه .
طبعا كلكم عارفين قير موتري نفس قير الافالون والاوريون والكزس ES350
نهائيا لايوجد فرق
وتعرفون ان بعض ملاك هالسيارات يشتكون من القير انه يخبط
وانا اثبتلكم اليوم ان القير عندي وصل 380 الف كيلو بدون اي مشاكل
لاهنة ولا ونه ربي لك الحمد من افضل مابكون
وفي عز شبابة على مايقولون
المهم سافرت جدة قبل يومين
واشوف اني ماشي على زيت القير 67500 طبعا مو اي استخدام
استخدام شاق جدا جدا اغلبها سفريات وخطوط
المهم قلت امر صاحب لي مهندس اسمه ماهر
رحتلة ماحصلته قالوا سافر قلت يالله ماعلية
رحت لكيلوا 7 جهة سوق الامير متعب
فية ورش كثيرة هناك
مريت على اول واحد كم شغل اليد ياعزيزي
قال 300 اوف اوليش يالطيب موتري يخت وانا مادري
قال اليخت تهون هاذي قيرها حساس وبنعبي بالجهاز وقر وقر وقر وقر
سحبت نفسي ومشيت للي بعدة
الا وذا الشايب تركي ابن حلال سبحان الله الطيب ينعرف من وجهه
المهم سلام كيف حالك بدي اغير الزيت
قال ابشر بس اذا خبط مسئوليتك قلت ابشر مسئوليتي
بكم تغيرة 150 ريال
يالله توكلنا علبك
رفعنا الموتر والصراحه ادمي شغلة نضيف ومرتب
مايحوووس ام الشغل
فكينا الكارتير والزيت بدون مجاملة وضعه تعبان
طبعا شريت جالون زيت «»فلتر قير «» وجه كارتير = 300 ريال
قالي حرام عليك تحط غرا
لو انك من اول تغيير حطيت وجه بدون غرا
الحين بنصنفر الغرا القديم ولازم تجيب غرا
نحط طبقة خفيفه غرا وفوقها الوجه وبعدين طبقه خفيفه غرا
قلت يالله بجيبلك غرا تويوتا
قال لا ياخي غرا تويوتا دفق فلوس على الفاضي حول 120 ريال
جيب غرا الماني سعرة 25 ريال واتركك من تويوتا الخراط
فعلا جبنا الماني وطلع افضل من تويوتا
ظبط الشغل
اشوي قالي فية جلدة تركب في الفلتر ماهي موجوده
الي ركبلك الزيت اول مرة مافكها من الفلتر القديم
وتمام ماراح عليك القير
فانا مستحيل اركب الفلتر حتى تجيب الجلدة
رحت لقطع الغيار قال مستحيل تحصلها ماتجي الا مع فلتر بلدها
طلعت من عنده وجنبة محل قطع صغير
اخذت من عنده غرا الماني
قلت صديق ماعندك جلدة فلتر انا طبعا اضحك معه فاقد الامل
قال جيب فلتر اشوف عندي جميع مقاسات الجلود
يرحم والديك ياشيخ ركبنا الجلدة بريالين
ورجعنا يوم جينا نطبق كل شي
الا يناديني الشيخ ماهر قال اسمع عندك تندية بسيطه
في صوفة العكس بين العكس والقير
تبيني اغيرها قبل لاانعبي الزيت
طيب كم تاخذ قال 50 ريال نفك العكس يمين كامل
توكلت على الله وجبت صوفه وكالة سعرها 30 ريال
وطبقنا كل شي من الى
بعض الملاحظات ::
يقول ماهر اي فلتر قير يجيلة جلدة داخلية دائرية الشكل
ويقول هاذي الجلدة ممكن بسببها تخسر قيمة قير كامل
فانتبهوا لهاذي الجلدة ياخوان
؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛

الغرا انصح اي واحد بيغير الزيت وبيفك الكارتير
لاياخذ غرا تويوتا سعرة غالي جدا وكنت ماخذ فية مقلب
الماني كما في الصور بسعر 25 ريال ووفر الباقي

*************************
اذا اول مرة تغير زيت القير انصحك ماتركب غرا للكارتير
خذ وجه من الوكالة افضلك

::::::::::::::::::::::::::::::::::::::::::::::

الصوفه لاتتهاون فيها اي صوفه مهما كانت تشوف تهريب غيرها بدري بدري

طولنا عليكم ولاكن بعد تغيير الزيت نهائيا نهائيا لاتشد على الموتر
ولا تعطية دعسات انتبة انتبة ممكن بسبب دعسة تخسر القير
خلك من 80 الى 100 الى 130 عشان الزيت جديد ويبيلة وقت
اليكم الصور المعذرة طولنااا
الميكانيكي فنان وتعاملة عسل اي واحد يبي رقمه يبشر

اخوكم/ الرفاعي33

إبلاغ

الردود